Content

29.10.2012

Almarr endurnýjar samninginn við Fram

Almarr Ormarsson skrifaði í dag undir nýjan tveggja ára samning við Fram. Þetta eru frábærar fréttir fyrir okkur Framara enda Almarr lykilleikmaður í liðinu. Almarr sagði við undirritunina að sér litist vel á áætlanir og áform nýrra forsvarsmanna Knattspyrnudeildar Fram og að greinilegt væri að mikill metnaður væri í félaginu að gera betur en undanfarin ár.

Þorvaldur Örlygsson þjálfari var að vonum ánægður við undirritunina og sagði: "Það er mikill kraftur sem hefur komið inn með nýjum forsvarsmönnum Knattspyrnudeildarinnar og ljóst að þar láta menn verkin tala. Það er ánægjuefni að menn hafa sýnt að þeir vilja styrkja leikmannahópinn og hafa svipaðar hugmyndir og ég í tengslum við það. Þá er gaman að sjá að þeir vinna þétt með Aðalstjórn félagsins sem hlýtur að vera góðs viti. Ég er mjög ánægður með að Almarr skyldi ákveða að spila áfram með okkur því hann er öflugur leikmaður sem er enn að þroskast og á vonandi eftir að sýna á næsta ári að hann sé einn af bestu leikmönnum deildarinnar."
 

Á meðfylgjandi mynd sem tekin var við undirskrift samningsins eru Almarr Ormarsson, Þorvaldur Örlygsson og Hrannar M. Hallkelsson.

 

Knattspyrnudeild Fram


« Til baka | Senda á Facebook
  • Landsbanki
  • Errea
  • Sjóva
  • Sjóvá
  • Errea
  • Sportis
  • Bootcamp
  • N1
  • Coke
  • Bílaleiga Akureyrar
  • Errea
  • Nóatún

Leitarv�l